Родено првото бебе во општина Валандово во 2012 година

Градоначалникот на општина Валандово, г-дин Николче Чурлиновски во Здравствениот дом “Здравје“ Валандово го посети првороденото бебе во 2012 година во Валандово, кое и официјално е првиот жител на општина Валандово во 2012 година. Бебето е од женски пол, тешко е 3390 грама, долго е 51 см, и се роди на 02.01.2012 година. Среќната мајка е Ивана Божинова од Горна Мала село Јосифово.

Градоначалникот ја искористи приликата на среќните родители да им ја честита новородената ќерка со желби за нејзино среќно и безгрижно растење и детство, и на семејството му врачи пригоден подарок.