ИЗГРАДЕНО Е НОВО ОСНОВНО УЧИЛИШТЕ ВО КАЗАНДОЛ

Градоначалникот на општина Валандово, Перо Костадинов, програмскиот координатор на "Тика", Ајтекин Ајден, министерот без ресор Елвин Хасан и директорката на ООУ "Јосип Броз Тито" Валандово, Даниела Џонова ја пуштија во употреба новата училишна зграда на подрачното основно училиште "Цветан Димов" во с. Казандол, која беше изградена заеднички, од страна на турската агенција за поддршка и соработка "Тика" и Општина Валандово.

Со изградбата на новиот училишен објект, обезбедени се современи и соодветни услови за вршење на образовниот процес на дечињата од Казандол и создадени се еднакви можности за следење на истиот, на овие дечиња со дечињата од останатите населени места. Влогот во образованието е влог во иднината и развојот на нашата општина. Затоа, инвестирањето во најмалите од заедницата и нивното образование, секогаш ќе биде на приматот во општина Валандово.