РЕАЛИЗИРАН Е ПРОЕКТОТ ЗА ЗАЈАКНУВАЊЕ НА ОПШТИНСКИ СОВЕТИ

На 13.12.2018 година во просториите на СОУ "Гоце Делчев" Валандово, се реализираше последниот од предвидените четири граѓански форуми за избор на приоритетни проекти од областа на социјалната инклузија.

Форумите беа дел од проектот "Зајакнување на општинските совети" и истите послужија како демократска алатка за реализирања на мислењата и предлозите на граѓаните.

На овој форум учесниците на истиот со гласање за проект кој се имплементираше во општина Валандово го избраа проектот "ИКТ лабораторија со соодветна хардверска и софтверска опрема и училишен медиум" кој беше предвиден да се реализира во трите општински училишта.

За реализација на овој проект, предвиден беше фонд од 50.000 швајцарски франци, финансирани од Швајцарската агенција за развој и соработка, а имплементирани од УНДП.